मंगल ठाकुर के मैथिली कविताः दू

आबहु आऊ अहां अशेष,

बड़ सहलहुं अछि आब कलेष,

मेटल ठोप, बहल दृग अंजन

नहिं आओल अछि किछु संदेश।

बीतल दिन बीतल ऋतु चारि

अंकुर निकसल धरती फारि

पुलकित सब कुंठित हम छी

बाटि तकैत गेल फाटि कुहेस।

स्नेहसिक्त लोचन स्वामी के

आलिंगन दुनू प्राणी के

नयन कलश में भरल अश्रु-जल

पुलकित मन अर्पण प्राणेश।

मंगल ठाकुरअक कविता

धानक फुनगी पर मकड़ा के जाली,
जाली में ओसक बून्द,
चमचम चमकै ओसक जाली,
वसुधा ओढ़ने छथि मोतिक चून
ताहि बगल में छोट-छिन डबरा
डबरा में पोठिया के झुंड

डबरा में ठाढ़ भेलि कुमुदिनी लजायल,
सूर्यसन पुरुष के देखितहिं कुमुदनी
लाजे लेलन्हि अपन आंखि मूंदि

कासक पुष्प,
सेहो ओघांयल सन
नींदक मातल सन,
भोरक भकुआयल सन
लागल जेना कुमुदिनी के लेता चुमि

इ छैक मिथिला के भोरका सुंदरता
एकरा नजरि ककरो नहिं लागै


'और अब प्रस्तुत है इस कविता का हिन्दी अनुवाद


धान की फुनगी पर,
मकड़े की जाली,
जालों पर शबनम की बूंद...
खेत के पास
छोटा-सा डबरा[1]...
डबरे में खेलती पोठी[2] मछलियों के झुंड...


वहीं खड़ी थी कुमुदिनी लजाई,
सूरज-से प्रिय देख,
आँखें लीं मूंद...

कास[3] के फूल, वो भी अघाए-से,
निंदाया-भकुआया, अल्लसुब्बह लगा कि लेगा
लाज से लाल कुमुदिनी को चूम ।



हिन्दी में अनुवादः मंजीत ठाकुर

शब्दार्थः 1 पोखरा 2. मछली की एक प्रजाति 3. बरसात के अंत में खिलने वाला एक फूल

भांग विद मंजीत

हे.. लटर-पटर दूनू टांग करै,
जे नहिं नबका भांग करै,

हे.. लटर-पटर दूनू टांग करै,
जे नहिं नबका भांग करै।।


आ रसगुल्ला इमहर सं आ,

इमहर सं आ, उमहर सँ आ,

सीधे मुंह में गुड़कल आ

एक सेर छाल्ही आ दू टा रसगुल्ला

एतबे टा मन मांग करै।


हे.. लटर-पटर दूनू टांग करै,
जे नहिं नबका भांग करै।।

भांग विद मंजीत

हे.. लटर-पटर दूनू टांग करै,
जे नहिं नबका भांग करै,

हे.. लटर-पटर दूनू टांग करै,
जे नहिं नबका भांग करै।।

आ रसगुल्ला इमहर सं आ,
इमहर सं आ, उमहर सँ आ,
सीधे मुंह में गुड़कल आ

एक सेर छाल्ही आ दू टा रसगुल्ला
एतबे टा मन मांग करै।

हे.. लटर-पटर दूनू टांग करै,
जे नहिं नबका भांग करै।।

जगदीश चन्द्र ठाकुर ‘अनिल’ के दू टा गजल

जगदीश चन्द्र ठाकुर ‘अनिल’

२ टा गजल            

 (१)

चान सुरुज के नक़ल करत ओ

दुनियांमे एसगरहु   चलत ओ

जाहि डगरपर नेह   फुलाइछ

ततहि  प्रेमसं पएर धरत  ओ

लड़त ने कहियो खेतक खातिर

अपन विकारक संग लड़त ओ

धनक लेल अगुतायल  दुनियां

मुदा बहरकेर  संग  रहत  ओ

मगन रहत ओ गगन देखिक’

प्रेम करत त  गजल कहत ओ

दनदनाइत  रहतीह  मैथिली

सभठाँ  जय-जयकार करत ओ

(सरल वार्णिक बहर/ वर्ण-१३ )

           (२)

अपने गलती गना रहल छी

भरि दुनियांकें जना रहल छी

खाली घैल बनल छी हम सभ

बेर-बेर ढनमना    रहल छी

कबाछु लगाक’ पूछि रहल छी

किए एना भनभना रहल छी

पएर पकड़िक’ कहै छी दौडू

कथीले’ हमरा कना रहल छी

आसन-प्राणायाम ने बिसरल

तें एखनो दनदना रहल छी

हमरे बलपर देखलौं दिल्ली

आ हमरे उल्लू बना रहल छी

रहै ने कोनो दुःख धरतीपर

इश्वरसं हम   मना रहल छी

(सरल वार्णिक बहर/ वर्ण-१२)

ओजक भोजः कविता

ई आत्मीयता थिक मृग-मरीचिका
जई पाछू आम लोक सदृश
स्थितिकेे खुआ रहल अछि ओजक भोज
झांपल हाड़ भअ गेल बाहर
वसन तरसँ दअ रहल अछि देखार
ई कर्तव्यक द्वार, कियौ नै पाबैछ पार
गलब अछि सहज मुदा
स्वर्ण बनब कठिन
ई संबंध अछि अनंत
ई आत्मीयता अभिन्न...।

कविताः अंजनी कुमार वर्मा, दाऊजी, सहरसा
हुनक लिखल कविता साभार